Skilyrði fyrir innflutningi dýraafurða frá ríkjum utan EES
Innflutningur dýraafurða frá ríkjum utan EES
Innflutningur frá löndum utan Evrópska efnahagssvæðisins (EES) á afurðuðum úr dýraríkinu heyrir undir eftirlit Matvælastofnunar, skv. reglugerð nr. 1044/2011 um eftirlit með dýraafurðum frá ríkjum utan EES
Meginskilyrði fyrir innflutningi dýraafurða frá ríkum utan EES eru að:
• Innflutningurinn sé tilkynntur með 24 klst. fyrirvara með skráningu í TRACES, sem er samevrópskt kerfi fyrir útgáfu á innflutningsskjölum fyrir dýraafurðir (CVEDP).
• Varan komi frá viðurkenndri starfsstöð skv. skrá ESB
• Varan sé merkt í samræmi við gildandi reglur og með samþykkisnúmeri viðurkenndu starfsstöðvarinnar.
• Sendingunni fylgi frumrit af heilbrigðisvottorði fyrir Evrópumarkað, gefið út af yfirvöldum útflutningslands.
• Afurðirnar berist til landsins á landamærastöð sem hefur tilskilið leyfi.
T akmarkanir
Eftirfarandi dýraafurðir er óheimilt að flytja til landsins:
• Ógerilsneyddar mjólkurafurðir
• Hrá egg
Hrátt kjöt er einungis heimilt að flytja til landsins að fenginni heimild ráðherra, eins og segir í reglugerð 448/2012 um varnir gegn því að dýrasjúkdómar og sýktar afurðir berist til landsins. Sækja ber um þessa heimild til atvinnuvega- og nýsköpunarráðuneytis. Sérákvæði gilda um innflutning til einkanota skv. reglugerðum 848/2012 og 448/2012.
Aukaskilyrði
Heimild til innflutnings á hráu kjöti frá ríkjum utan EES er háð meginskilyrðunum hér að ofan en við þau bætast tvö skilyrði að auki:
• Kjötið sé frosið og hafi verið geymt við minnst -18°C í a.m.k. einn mánuð fyrir tollafgreiðslu.
• Kjötinu fylgi opinbert vottorð sem staðfesti að kjötið sé laust við salmonellusýkla.
... þú berð ábyrgð
www.mast.is