Heilbrigðisnefnd veitir Moltu ehf áminningu
Molta ehf, Þveráreyrum, staða mála, fyrirhuguð áminning.
Heilbrigðisnefnd Norðurlands eystra bókaði þann 13. mars sl. fyrirhugaða áminningu á Moltu ehf. og veitti fyrirtækinu frest til 15. apríl til að koma sjónarmiðum þess á framfæri.
Eftirfarandi var bókað:
Í ljósi þess að óvissa hefur ríkt um rekstrargrundvöll Moltu ehf. ákvað heilbrigðisnefnd á fundi sínum þann 24. apríl að fresta fyrirhuguðu áminningarferli þar til ljóst yrði um framtíð fyrirtækisins. Jafnframt var óskað eftir því við stjórnarmenn í Moltu ehf. að vinna við tímasetta úrbótaáætlun yrði sett í gang um leið og rekstrarforsendur myndu skýrast. Samkvæmt upplýsingum frá stjórnarformanni Moltu ehf. hafa rekstrarforsendur nú þegar skýrst á jákvæðan veg. Heilbrigðisnefnd hefur hinsvegar ekki borist tímasett áætlun til úrbóta eins og eftir var óskað.
Heilbrigðisnefnd Norðurlands eystra veitir því Moltu ehf. áminningu í samræmi við 26. gr. laga nr. 7/1998, um hollustuhætti og mengunarvarnir. Jafnframt er fyrirtækinu veittur frestur til 1. júlí 2013 til að skila inn tímasettri áætlun um úrbætur.
Heilbrigðisnefnd vekur athygli á því að skv. 31. gr. laga nr. 7/1998 er Moltu ehf. heimilt að vísa ágreiningi um ákvörðun heilbrigðisnefndar til úrskurðarnefndar umhverfis- og auðlindamála, sbr. 4. gr. laga nr. 130/2011, um úrskurðarnefnd umhverfis- og auðlindamála. Aðsetur úrskurðarnefndar er að Skúlagötu 21, 101 Reykjavík.